Rahu Kavacham
శ్రీ రాహు కవచం
అస్య శ్రీ రాహు కవచ స్తోత్ర మహామన్త్రస్య చంద్రఋషిః అనుష్టుప్ఛన్దః రాహుర్దేవతా నీం బీజమ్ హ్రీం శక్తిః కాం కీలకమ్ మమ రాహుగ్రహప్రసాదసిద్ధ్యర్థే జపే వినియోగః |
ధ్యానం
రాహుం చతుర్భుజం చర్మశూలఖడ్గవరాంగినమ్
కృష్ణామ్బరధరం నీలం కృష్ణగన్ధానులేపనమ్ |
గోమేధికవిభూషం చ విచిత్రమకుటం ఫణిమ్
కృష్ణసింహరథారూఢం మేరుం చైవాప్రదక్షిణమ్ ||
Know More Navagraha Dosha Mantra
ప్రణమామి సదా రాహుం సర్పాకారం కిరీటినమ్ |
సైంహికేయం కరాలాస్యం భక్తానామభయప్రదమ్ || ౧ ||
కవచం
నీలామ్బరః శిరః పాతు లలాటం లోకవన్దితః |
చక్షుషీ పాతు మే రాహుః శ్రోత్రే మేఽర్ధశరీరవాన్ || ౨ ||
నాసికాం మే కరాళాస్యః శూలపాణిర్ముఖం మమ |
జిహ్వాం మే సింహికాసూనుః కణ్ఠం మే కష్టనాశనః || ౩ ||
భుజఙ్గేశో భుజౌ పాతు నీలమాల్యః కరౌ మమ |
పాతు వక్షౌ తమోమూర్తిః పాతు నాభిం విధున్తుదః || ౪ ||
Read More Shukra Kavacham
కటిం మే వికటః పాతు ఊరూ మేఽసురపూజితః |
స్వర్భానుర్జానునీ పాతు జఙ్ఘే మే పాతు చఽవ్యయః || ౫ ||
గుల్ఫౌ గ్రహాధిపః పాతు నీలచన్దనభూషితః |
పాదౌ నీలామ్బరః పాతు సర్వాఙ్గం సింహికా సుతః || ౬ ||
రాహోరిదం కవచమీప్సితవస్తుదం యో భక్త్యా పఠత్యనుదినం నియతశ్శుచిస్సన్ |
ప్రాప్నోతి కీర్తిమతులాం చ శ్రియం సమృద్ధి మారోగ్యమాయుర్విజయావసిత ప్రసాదాత్ || ౭ ||
|| ఇతి పద్మే మహాపురాణే రాహు కవచః ||
…. 
….