శ్రీ కృష్ణ కర్పూర స్తోత్రం

Sri Krishna Karpura Stotram

కర్పూరం పూరరేఫైర్విరహితమవనీ వామనేత్రేందుభూషం
కృష్ణాయేదం పదం యః ప్రజపతి సుజనష్ఠద్రయం యోజయిత్వా .
నానాసౌఖ్యాదిభోగైః సహ స విహరతే దీర్ఘజీవీ పృథివ్యా-
మంతే గోలోకవాసో భవతి హరిరసే లీనచిత్తస్య తస్య .. 1..

ధ్యాయత్రూన్రూపం త్వదీయం హృది విమలముఖం శాంతచిత్తో జనో యో-
మందం మందం స్మరన్ సన్ తవ సుమనువరం పూర్ణమర్థం విచార్య .
భోః కృష్ణ త్వద్విలీనం నిఖిలజగదిదం భావయన్ సుప్రహృష్టో-
జీవన్ముక్తః ప్రశాంతః ప్రభవతి స నరో లోకపూజ్యః సురేశ .. 2..

నాదబ్రహ్మాంకురస్త్వం సునిఖిలజగదాధారబీజస్వరూపః
సిద్ధానాం సిద్ధరూపః కులజనహృదయే చిత్కలాకారరూపః .
కాలస్యాంతస్వరూపః కలికలుష మహాకాలరూపస్త్వమేవ
శ్రీమద్యోగేశవంద్యస్త్వమసి మధురిపుః పాహి మాం దీనబంధో .. 3..

గోపీనాం కామదేవో ద్రుపదతనుజనుః కామధేనుస్వరూపో-
గోపాలానాం సఖా త్వం వివిధనృపనుతో వాంధవః పాండవానాం .
నందస్యానందదాతా సహచరవరదో రాధికాచిత్తచౌరో-
రత్నం త్వం యాదవానాం శివసఖకృపయా రక్ష మాం నాథహీనం .. 4..

Read More Krishna Ashtakam

విష్ణుస్త్వం వ్యాపకత్వాత్త్వమసి గిరిధరో గోశిఖాధారణత్వాత్
కృష్ణః శ్యామాంగకత్వాద్యదుకులజననాద్వాసుదేవస్త్వమేవ .
పూర్ణబ్రహ్మాత్మకత్వాత్త్వమసి హి నిఖిలానందరూపాచ్యుతాఖ్యః
కాలీ త్వం పుంస్వరూపా కులజనవరదః కాలసంకల్పనాచ్చ .. 5..

మహామేఘశ్యామం మణిముకుట పీతాంబరధరం
సువేణుం బాహుభ్యాం దధతమతిశోభాయుతతనుం .
హరే ప్రత్యాలీఢాసనపరిగతం త్వాం స్మితముఖం
త్రిపంచారే పీఠే స్మరతి కులజః కృష్ణమతులం .. 6..

దివా శ్రీకృష్ణ త్వాం యజతి తులసీపత్రకమలై-
ర్జనో యో లక్షంచ ప్రజపతి మనుం తే దృఢమనాః .
నరేంద్రః సంభూయ ప్రభవతి స లక్ష్మీపతిరం
మహావాగీశానీ నివసతి చ తత్కఏఠకుహరే .. 7..

లతాగేహే స్థిత్వా నవనిధువనాంతర్గతమనా
యజన్ త్వాం రాత్రౌ శ్రీరమణ కులపుష్పైః కులధనైః .
కులస్థానం పశ్యన్ ప్రజపతి మనుం యః కులజనః
స జీవన్ముక్తః సన్ విచరతి శివోఽక్షితితలే .. 8..

మహా జన్మాష్టమ్యాం తవ చరణయుగ్మం మునిపతే
నిశాయామభ్యర్చ్య ప్రజపతి సహస్రాక్షరమనుం .
హృదంభోజే ధ్యాయన్ తవ లలితరూపం సపదియః
సదానందాకారః ప్రభవతి స మాన్యః సురసమః .. 9..

సమారాధ్య ప్రాణేంద్రియమపి 7కులాచారవిధినా
వలిం కామక్రోధాదికపశుగణానాం ప్రతిదినం .
ప్రయచ్ఛేద్యస్తుభ్యం తవచరణ పద్మార్పితమనాః
స ఏవ బ్రహ్మజ్ఞః స చ పరశివః సైష సకలః .. 10..

అనంత శ్రీకృష్ణ త్రిపురహరవంధో సురనుత
త్వమేతద్బ్రహ్మాండం సృజసి మనసా రక్షసి హరే .
పునః స్వామిన్ కాలే సకలమపి లీనం ప్రకురుషే
త్వమేవైకో నాన్యస్త్వమసి జగతాం ముఖ్యనిలయః .. 11..

అభూమిస్త్వం భూమన్ గుణవిషయయోర్వాఙ్మనసయోః
కథం స్తోతుం శక్యో భవసి ధనశంశేరవచసా .
తథాపి త్వద్భక్తిర్ముఖరయతి మామత్ర భవతీ
సపర్యాపర్యాయః ప్రభవతు తతస్త్వత్స్తుతిరయం .. 12..

(టిప్పణీ.)
1. లతాః ఇడాపింగలాసుషుమ్ణానాడీత్రయం తస్య గేహం
నాడీస్పందస్థానమాజ్ఞాచక్రం .
2. నవనిధువనం మూలాధారగతకుండల్యాః
సహస్రారస్థపరశివేనసహ సంయోగస్థానం ..

3. కులపుష్పాని మూలాధారగతకుండల్యా సహస్రారగతచంద్రమండలే
ఆఘాతాత్ నిసృతలాక్షారసాభామృతవిందవః .
4. కులధనాని పంచప్రాణాః
5. మూలాధారస్థకుండల్యా ఆరోహావరోహక్రమ ఏవ కులాకులక్రమః
తస్య స్థానం మృణాలతంతుః .
6. “కులాకులకమాభ్యాసద్భవేత్కౌలోవరాననే” . ఇతి వచనాత్
ఏవం కౌలో భవతి స ఏవ కులజనః ప్రథవా కులతః ఉచ్యతే .
7. కులాచారవిధిరేవ కులాకులక్రమాభ్యాసం.

ఇతి శ్రీ ధనశంశేరజంగవర్మణావిరచితం వీరేంద్రకేసరిన్
శర్మణా సంశోధితం శ్రీ కృష్ణ కర్పూర స్తోత్రం ..

…. ….