శ్రీ కృష్ణ సుప్రభాతం
Sri Krishna Suprabhatam
ఉత్తిష్ఠోత్తిష్ఠ గోవింద ఉత్తిష్ఠ గరుడధ్వజ .
ఉత్తిష్ఠ కమలాకాంత త్రైలోక్యం మంగలం కురు ….
నారాయణాఖిల శరణ్య రథాంగ పాణే .
ప్రాణాయమాన విజయాగణిత ప్రభావ .
గీర్వాణవైరి కదలీవన వారణేంద్ర .
మధ్వేశ కృష్ణ భగవన్ తవ సుప్రభాతం .. 1
ఉత్తిష్ఠ దీన పతితార్తజనానుకంపిన్ .
ఉత్తిష్ఠ విశ్వ రచనా చతురైక శిల్పిన్ .
ఉత్తిష్ఠ వైష్ణవ మతోద్భవ ధామవాసిన్ .
మధ్వేశ కృష్ణ భగవన్ తవ సుప్రభాతం .. 2
ఉత్తిష్ఠ పాతయ కృపామసృణాన్ కటాక్షాన్ .
ఉత్తిష్ఠ దర్శయ సుమంగల విగ్రహంతే .
ఉత్తిష్ఠ పాలయ జనాన్ శరణం ప్రపన్నాన్ .
మధ్వేశ కృష్ణ భగవన్ తవ సుప్రభాతం .. 3
ఉత్తిష్ఠ యాదవ ముకుంద హరే మురారే .
ఉత్తిష్ఠ కౌరవకులాంతక విశ్వబంధో .
ఉత్తిష్ఠ యోగిజన మానస రాజహంస .
మధ్వేశ కృష్ణ భగవన్ తవ సుప్రభాతం .. 4
Read More Madhurashtakam
ఉత్తిష్ఠ పద్మనిలయాప్రియ పద్మనాభ .
పద్మోద్భవస్య జనకాచ్యుత పద్మనేత్ర .
ఉత్తిష్ఠ పద్మసఖ మండల మధ్యవర్తిన్ .
మధ్వేశ కృష్ణ భగవన్ తవ సుప్రభాతం .. 5
మధ్వాఖ్యయా రజతపీఠపురేవతీర్ణః .
త్వత్కార్య సాధనపటుః పవమాన దేవః .
మూర్తేశ్చకార తవ లోకగురోః ప్రతిష్ఠాం .
మధ్వేశ కృష్ణ భగవన్ తవ సుప్రభాతం .. 6
సన్యాస యోగనిరతాశ్రవణాదిభిస్త్వాం .
భక్తేర్గుణైర్నవభిరాత్మ నివేదనాంతైః .
అష్టౌయజంతి యతినో జగతామధీశం .
మధ్వేశ కృష్ణ భగవన్ తవ సుప్రభాతం .. 7
యా ద్వారకాపురి పురాతవ దివ్యమూర్తిః .
సంపూజితాష్ట మహిషీభిరనన్య భక్త్యా .
అద్యార్చయంతి యతయోష్టమఠాధిపాస్తాం .
మధ్వేశ కృష్ణ భగవన్ తవ సుప్రభాతం .. 8
Read More Jaya Janardhana Krishna Radhika Pathe
వామేకరే మథనదండమసవ్య హస్తే .
గృహ్ణంశ్చ పాశముపదేష్టు మనా ఇవాసి .
గోపాలనం సుఖకరం కురుతేతి లోకాన్ .
మధ్వేశ కృష్ణ భగవన్ తవ సుప్రభాతం .. 9
సమ్మోహితాఖిల చరాచరరూప విశ్వ .
శ్రోత్రాభిరామమురలీ మధురారవేణ .
ఆధాయవాదయకరేణ పునశ్చవేణుం .
మధ్వేశ కృష్ణ భగవన్ తవ సుప్రభాతం .. 10
గీతోష్ణరశ్మిరుదయన్వహనోదయాద్రౌ .
యస్యాహరత్సకలలోకహృదాంధకారం .
సత్వం స్థితో రజతపీఠపురే విభాసీ .
మధ్వేశ కృష్ణ భగవన్ తవ సుప్రభాతం .. 11
కృష్ణేతి మంగలపదం కృకవాకువృందం .
వక్తుం ప్రయత్య విఫలం బహుశః కుకూకుః .
త్వాం సంప్రబోధయితుముచ్చరతీతిమన్యే .
మధ్వేశ కృష్ణ భగవన్ తవ సుప్రభాతం .. 12
భృంగాపిపాసవ ఇమే మధు పద్మషందే .
కృష్ణార్పణం సుమరసో స్వితిహర్షభాజః .
ఝంకార రావ మిషతః కథయంతి మన్యే .
మధ్వేశ కృష్ణ భగవన్ తవ సుప్రభాతం .. 13
నిర్యాంతి శావక వియోగయుతా విహంగాః .
ప్రీత్యార్భకేశు చ పునః ప్రవిశంతి నీడం .
ధావంతి సస్య కణికానుపచేతు మారాత్ .
మధ్వేశ కృష్ణ భగవన్ తవ సుప్రభాతం .. 14
భూత్వాతిథిః సుమనసామనిలః సుగంధం .
సంగృహ్యవాతి జనయన్ ప్రమదం జనానాం .
విశ్వాత్మనోర్చనధియాతవ ముంచ నిద్రాం .
మధ్వేశ కృష్ణ భగవన్ తవ సుప్రభాతం .. 15
తారాలి మౌక్తిక విభూషణ మండితాంగీ .
ప్రాచీదుకూల మరుణం రుచిరం దధాన .
ఖేసౌఖసుప్తిక వధూరివ దృశ్యతేద్య .
మధ్వేశ కృష్ణ భగవన్ తవ సుప్రభాతం .. 16
ఆలోక్య దేహ సుషమాం తవ తారకాలిః .
హ్రీణాక్రమేణ సముపేత్య వివర్ణభావం .
అంతర్హితేవనచిరాత్యజ శేషశయ్యాం .
మధ్వేశ కృష్ణ భగవన్ తవ సుప్రభాతం .. 17
సాధ్వీకరాబ్జవలయధ్వనినాసమేతో .
గానధ్వనిః సుదధి మంథన ఘోష పుష్టః .
సంశ్రూయతే ప్రతిగ్రహం రజనీ వినష్టా .
మధ్వేశ కృష్ణ భగవన్ తవ సుప్రభాతం .. 18
భాస్వానుదేశ్యతి హిమాంశుర భూద్గతశ్రీః .
పూర్వాందిశామరుణయన్ సముపైత్యనూరుః .
ఆశాః ప్రసాద సుభగాశ్చ గతత్రియామా .
మధ్వేశ కృష్ణ భగవన్ తవ సుప్రభాతం .. 19
ఆదిత్య చంద్ర ధరణీ సుత రౌహిణేయ .
జీవోశనః శనివిధుం తుదకేతవస్తే .
దాసానుదాస పరిచారక భృత్య భృత్య .
మధ్వేశ కృష్ణ భగవన్ తవ సుప్రభాతం .. 20
ఇంద్రాగ్ని దండధర నిర్రితి పాశివాయు .
విత్తేశ భూత పతయో హరితామధీశాః .
ఆరాధయంతి పదవీ చ్యుతి శంకయా త్వాం .
మధ్వేశ కృష్ణ భగవన్ తవ సుప్రభాతం .. 21
వీణాం సతీ కమలజస్య కరే దధానా .
తంత్ర్యాగలస్య చరవే కలయంత్య భేదం .
విశ్వం నిమజ్జయతి గానసుధారసాబ్ధౌ .
మధ్వేశ కృష్ణ భగవన్ తవ సుప్రభాతం .. 22
దేవర్షిరంబర తలాదవనీం ప్రపన్నః .
త్వత్సన్నిధౌ మధురవాదిత చారు వీణా .
నామానిగాయతి నత స్ఫురితోత్తమాంగో .
మధ్వేశ కృష్ణ భగవన్ తవ సుప్రభాతం .. 23
వాతాత్మజః ప్రణత కల్ప తరుర్హనూమాన్ .
ద్వారే కృతాంజలి పుటస్తవదర్శనార్థీ .
తిష్ఠత్యముం కురుకృతార్థమపేత నిద్రం .
మధ్వేశ కృష్ణ భగవన్ తవ సుప్రభాతం .. 24
సర్వోత్తమో హరిరితి శ్రుతివాక్య వృందైః .
చంద్రేశ్వర ద్విరదవక్త్ర షడాననాద్యాః .
ఉద్ఘోశయంత్య నిమిషా రజనీ ప్రభాత .
మధ్వేశ కృష్ణ భగవన్ తవ సుప్రభాతం .. 25
మధ్వాభిదే సరసి పుణ్యజలే ప్రభాతే .
గంగేంభ సర్వమఘమాశు హరేతి జప్త్వా .
మజ్జంతి వైదిక శిఖామణయో యథావన్ .
మధ్వేశ కృష్ణ భగవన్ తవ సుప్రభాతం .. 26
ద్వారే మిలంతి నిగమాంత విదస్త్రయీజ్ఞాః .
మీమాంసకాః పదవిదోనయదర్శనజ్ఞాః .
గాంధర్వవేద కుశలాశ్చ తవేక్షణార్థం .
మధ్వేశ కృష్ణ భగవన్ తవ సుప్రభాతం .. 27
శ్రీ మధ్వయోగి వరవందిత పాదపద్మ .
భైష్మీ ముఖాంభోరుహ భాస్కర విశ్వవంద్య .
దాసాగ్రగణ్య కనకాదినుత ప్రభావ .
మధ్వేశ కృష్ణ భగవన్ తవ సుప్రభాతం .. 28
పర్యాయ పీఠ మధిరుహ్య మఠాధిపాస్త్వాం .
అష్టౌ భజంతి విధివత్ సతతం యతీంద్రాః .
శ్రీ వాదిరాజనియమాన్ పరిపాలయంతో .
మధ్వేశ కృష్ణ భగవన్ తవ సుప్రభాతం .. 29
శ్రీమన్ననంత శయనోడుపివాస శౌరే .
పూర్ణప్రబోధ హృదయాంబర శీత రశ్మే .
లక్ష్మీనివాస పురుషోత్తమ పూర్ణకామ .
మధ్వేశ కృష్ణ భగవన్ తవ సుప్రభాతం .. 30
శ్రీ ప్రాణనాథ కరుణా వరుణాలయార్త .
సంత్రాణ శౌంద రమణీయ గుణప్రపూర్ణ .
సంకర్షణానుజ ఫణీంద్ర ఫణా వితాన .
మధ్వేశ కృష్ణ భగవన్ తవ సుప్రభాతం .. 31
ఆనందతుందిల పురందర పూర్వదాస .
వృందాభివందిత పదాంబుజనంద సూనో .
గోవింద మందరగిరీంద్ర ధరాంబుదాభ .
మధ్వేశ కృష్ణ భగవన్ తవ సుప్రభాతం .. 32
మీనాకృతే కమఠరూప వరాహమూర్తే .
స్వామిన్ నృసింహ బలిసూదన జామదగ్న్యః .
శ్రీ రాఘవేంద్ర యదుపుంగవ బుద్ధ కల్కిన్ .
మధ్వేశ కృష్ణ భగవన్ తవ సుప్రభాతం .. 33
గోపాల గోప లలనాకులరాసలీలా .
లోలాభ్రనీల కమలేశ కృపాలవాల .
కాలీయమౌలి విలసన్మణిరంజితాంఘ్రే .
మధ్వేశ కృష్ణ భగవన్ తవ సుప్రభాతం .. 34
కృష్ణస్య మంగల నిధేర్భువి సుప్రభాతం .
యేహర్ముఖే ప్రతిదినం మనుజాః పఠంతి .
విందంతి తే సకల వాంఛిత సిద్ధిమాశు .
జ్ఞానంచ ముక్తి సులభం పరమం లభంతే .. 35
!! శ్రీ కృష్ణార్పణమస్తు !!
…. 
….