(ఋ.10.121)

హిరణ్యగర్భః సమవర్తతాగ్రే భూతస్య జాతః పతిరేక ఆసీత్ |

స దాధార పృథివీం ద్యాముతేమాం కస్మై దేవాయ హవిషా విధేమ || 1 ||

య ఆత్మదా బలదా యస్య విశ్వ ఉపాసతే ప్రశిషం- యస్య దేవాః |

యస్య ఛాయామృతం-యస్య మృత్యుః కస్మై దేవాయ హవిషా విధేమ || 2 ||

యః ప్రాణతో నిమిషతో మహిత్వైక ఇద్రాజా జగతో బభూవ |

య ఈశే అస్య ద్విపదశ్చతుష్పదః కస్మై దేవాయ హవిషా విధేమ || 3 ||

Know More : Vishnu Suktam

యస్యేమే హిమవంతో మహిత్వా యస్య సముద్రం రసయా సహాహుః |

యస్యేమాః ప్రదిశో యస్య బాహూ కస్మై దేవాయ హవిషా విధేమ || 4 ||

యేన ద్యౌరుగా పృథివీ చ దృళా యేన స్వః స్తభితం- యేన నాకః |

యో అంతరీక్షే రజసో విమానః కస్మై దేవాయ హవిషా విధేమ || 5 ||

యం క్రందసీ అవసా తస్తభానే అభ్యైక్షేతాం మనసా రేజమానే |

యత్రాధి సూర ఉదీతో విభాతి కస్మై దేవాయ హవిషా విధేమ || 6 ||

ఆపో హ యద్బృహతీర్విశ్వమాయన్ గర్భం దధానా జనయంతీరగ్నిమ్ |

తతో దేవానాం సమవర్తతాసురేకః కస్మై దేవాయ హవిషా విధేమ || 7 ||

యశ్చిదాపో మహినా పర్యపశ్యద్దక్షం దధానా జనయం తీర్యజ్ఞమ్ |

యో దేవేష్విధీ దేవ ఏక ఆసీత్కస్మై దేవాయ హవిషా విధేమ || 8 ||

Read More Agni Suktam

మా నో హింసీజ్జనితా యః పృథివ్యా యో వా దివం సత్యధర్మా జజాన |

యశ్చాపశ్చంద్రా బృహతీర్జజాన కస్మై దేవాయ హవిషా విధేమ || 9 ||

ప్రజాపతే న త్వదేతాన్యన్యో విశ్వా జాతాని పరి తా బభూవ |

యత్కామాస్తే జుహుమస్తన్నో అస్తు వయం స్యామ పతయో రయీణామ్ || 10 ||

….  ….