తైత్తిరీయారణ్యకం – 4, ప్రపాఠకః – 10, అనువాకః – 41-44

ఓం-యశ్ఛందసామృషభో విశ్వరూపః |

ఛందోభ్యోఒధ్యమృతాథ్సంబభూవ |

స మేంద్రో మేధయా స్పృణోతు |

అమృతస్య దేవధారణో భూయాసమ్ |

శరీరం మే విచరణమ్ |

జిహ్వా మే మధుమత్తమా |

కర్ణాభ్యాం భూరివిశ్రువమ్ |

బ్రహ్మణః కోశోzసి మేధయా పీహితః |

శ్రుతం మే గోపాయ ||

ఓం శాంతిః శాంతిః శాంతిః ||

Know More : Aghamarshana Suktam

ఓం మేధాదేవీ జుషమాణా న ఆగా-ద్విశ్వాచీ భద్రా సుమనస్య మానా |

త్వయా జుష్టా నుదమానా దురుక్తాన్ బృహద్వదేవ విదథే సువీరాః |

త్వయా జుష్ట ఋషిర్భవతి దేవి త్వయా బ్రహ్మాఒగతశ్రీరుత త్వయా |

త్వయా జుష్టశ్చిత్రం-వి ందతే వసు సా నో జుషస్వ ద్రవీణో న మేధే ||

మేధాం మ ఇంద్రో దదాతు మేధాం దేవీ సరస్వతీ |

మేధాం మే అశ్వినావుభా-వాధత్తాం పుష్కరస్రజా |

అప్సరాసు చ యా మేధా గంధర్వేషు చ యన్మనః |

దైవీం మేధా సరస్వతీ సా మాం మేధా సురభి-ర్జుషతాగ్ స్వాహా ||

ఆమాం మేధా సురభి-ర్విశ్వరూపా హిరణ్యవర్ణా జగతీ జగమ్యా |

ఊర్జస్వతీ పయసా పిన్వమానా సా మాం మేధా సుప్రతీకా జుషంతామ్ ||

మయి మేధాం మయి ప్రజాం మయ్యగ్ని-స్తేజో దధాతు, మయి మేధాం మయి ప్రజాం మయీంద్ర ఇంద్రియం దధాతు, మయి మేధాం మయి ప్రజాం మయి సూర్యో భ్రాజో దధాతు ||

[ఓం హంస హంసాయ విద్మహే పరమహంసాయ ధీమహి |

తన్నో హంసః ప్రచోదయాత్ || (హంసగాయత్రీ)]

ఓం శాంతిః శాంతిః శాంతిః ||

Read More Ratri Suktam

….  ….