శ్రీ లక్ష్మీ నరసింహ సుప్రభాతం (యాదగిరి)
Sri Lakshmi Narasimha Suprabhatam Yadagiri
శ్రీ యాదగిరి లక్ష్మీనృసింహ సుప్రభాతం
శ్రీ వంగీపురం నరసింహాచార్యరచిత .
కౌసల్యా సుప్రజా రామ పూర్వా సంధ్యా ప్రవర్తతే .
ఉత్తిష్ఠ నరశార్దూల! కర్తవ్యం దైవమాహ్నికం .. 1
ఉత్తిష్ఠోత్తిష్ఠ గోవింద ఉత్తిష్ఠ గరుడధ్వజ .
ఉత్తిష్ఠ కమలాకాంత త్రైలోక్యం మంగళం కురు .. 2
యాదాద్రినాథశుభమందిరకల్పవల్లి
పద్మాలయే జనని పద్మభవాదివంద్యే .
భక్తార్తిభంజని దయామయదివ్యరూపే
లక్ష్మీనృసింహదయితే తవ సుప్రభాతం .. 3
జ్వాలానృసింహ కరుణామయ దివ్యమూర్తే
యోగాభినందన నృసింహ దయాసముద్ర! .
లక్ష్మీనృసింహ శరణాగతపారిజాత
యాదాద్రినాథ నృహరే! తవ సుప్రభాతం .. 4
Read More Narasimha Kavacham
శ్రీరంగవేంకటమహీధరహస్తిశైల
శ్రీ యాదవాద్రిముఖసత్త్వనికేతనాని .
స్థానాని తేకిల వదంతి పరావరజ్ఞాః
యాదాద్రినాథ నృహరే! తవ సుప్రభాతం .. 5
బ్రహ్మాదయస్సురవర మునిపుంగవాశ్చ
త్వాం సేవితుం వివిధమంగళవస్తుహస్తాః .
ద్వారే వసంతి నరసింహ భవాబ్ధిపోత
యాదాద్రినాథ నృహరే! తవ సుప్రభాతం .. 6
ప్రహ్లాద నారద పరాశర పుండరీక
వ్యాసాదిభక్తరసికా భవదీయసేవాం .
వాంఛంత్యనన్యహృదయా కరుణాసముద్ర
యాదాద్రినాథ నృహరే! తవ సుప్రభాతం .. 7
త్వద్దాస్యభోగరసికాశ్శఠజిన్ముఖార్యాః
రామానుజాదిమహనీయగురుప్రధానాః .
సేవార్థ మత్ర భవదీయగృహాంగణస్థాః
యాదాద్రినాథ నృహరే! తవ సుప్రభాతం .. 8
భక్తా స్త్వదీయపదపంకజసక్తచిత్తాః
కాల్యం విధాయ తవకందర మందిరాగ్రే .
త్వద్దర్శనోత్సుకతయా నిబిడం శ్రయంతే
యాదాద్రినాథ నృహరే! తవ సుప్రభాతం .. 9
దివ్యావతారదశకే నరసింహ తే తు
దివ్యావతారమహిమా నహి దేవగమ్యః .
ప్రహ్లాదదానవశిశోఃకిల భక్తిగమ్యః
యాదాద్రినాథ నృహరే! తవ సుప్రభాతం .. 10
శ్రీయాదవాద్రిశిఖరే త్వమహోబిలేఽపి
సింహాచలే చ శుభమంగళశైలరాజే .
వేదాచలాది గిరి మూర్ధసు సుస్థితోసి
యాదాద్రినాథ నృహరే! తవ సుప్రభాతం .. 11
కామ్యార్థినో వరదకల్పక కల్పకం త్వాం
సేవార్థినః స్సుజనసేవ్యపదద్వయం త్వాం .
భక్త్యా వినమ్ర శిరసా ప్రణమంతి సర్వే
యాదాద్రినాథ నృహరే! తవ సుప్రభాతం .. 12
త్వన్నామమంత్రపఠనేన లుఠంతి పాపాః
త్వన్నామమంత్రపఠనేన లుఠంతి దైత్యాః .
త్వన్నామమంత్రపఠనేన లుఠంతిరోగాః
యాదాద్రినాథ నృహరే! తవ సుప్రభాతం .. 13
లక్ష్మీనృసింహ! జగదీశ! సురేశ! విష్ణో
జిష్ణో! జనార్దన! పరాత్పర విశ్వరూప .
విశ్వప్రభాతకరణాయ కృతావతార
యాదాద్రినాథ నృహరే! తవ సుప్రభాతం .. 14
త్వన్నామమంత్ర పఠనంకిలసుప్రభాతం
అస్మాకమస్తు తవచాస్తు చ సుప్రభాతం .
అస్మత్సముద్ధరణమేవ విచిత్రగాధ
యాదాద్రినాథ నృహరే! తవ సుప్రభాతం .. 15
త్వత్ పూజకా పరివృఢా పరిచారకాశ్చ
నిత్యార్చనాయ విధివద్విహిత స్వకృత్యాః .
యత్తస్త్వదీయ శుభగహ్వర మందిరాగ్రే
యాదాద్రినాథ నృహరే! తవ సుప్రభాతం .. 16
ప్రాభాతకీముపచితిం పరికల్పయంతః
కుండాశ్చ పూర్ణజలకుంభముపాహరంతః .
శ్రీవైష్ణవాః సముపయాంతిహరే! నృసింహ
యాదాద్రినాథ నృహరే! తవ సుప్రభాతం .. 17
సూర్యోఽభ్యుదేతి వికసంతి సరోరుహాణి
నీలోత్పలాని హి భవంతి నిమీలితాని .
ప్రాగ్దిఙ్ముఖేరుణగభస్తిగణోఽభ్యుదేతి
యాదాద్రినాథ నృహరే! తవ సుప్రభాతం .. 18
మందానిలస్సుర నదీకమలోదరేశు
మందంవిగాహ్య శుభసౌరభ మాదధానః .
హర్షప్రకర్షముపయాతి చ సేవితుం త్వాం
యాదాద్రినాథ నృహరే! తవ సుప్రభాతం .. 19
తారాగణోవియతి మజ్జతి సుప్రభాతే
సూర్యేణసాకమవలోకయితుం త్వదీయం .
శ్రీసుప్రభాతమవభాసిత సర్వలోకం
యాదాద్రినాథ నృహరే! తవ సుప్రభాతం .. 20
పక్షిస్వనాశ్చపరితఃపరిసంపతంతి
కూజంతికోకిలగణాఃకలకంఠరావైః .
వాచా విశుద్ధకలయానువదంతికీరాః
యాదాద్రినాథ నృహరే! తవ సుప్రభాతం .. 21
Read More Narasimha Ashtakam
పల్లీషు వల్లవజనాఃస్వగృహాంగణేషు
ధేనూర్దుహంతి వినిభాంతి విశేషదృష్ట్యా .
గోపాలబాల ఇవ భక్తహృదంబుజేషు
యాదాద్రినాథ నృహరే! తవ సుప్రభాతం .. 22
గాఢాంధకారపటలం గగనంజహాతి
మోహాంధకార ఇవ సన్మనుజం సమస్తం .
రాగోవిరాగ ఇవ సంవిశతి ప్రకామం
యాదాద్రినాథ నృహరే! తవ సుప్రభాతం .. 23
నిద్రాజహాతి హి జనాన్ సుమునిం యధావత్
ప్రజ్ఞాప్యుదేతి హి జనేషు మునౌయధావత్ .
సక్తిర్జనేషు హి యథా చ మునౌవిరక్తిః
యాదాద్రినాథ నృహరే! తవ సుప్రభాతం .. 24
ఫుల్లానిపంకజవనాని విశుద్ధసత్త్వ
ఫుల్లాని సజ్జనమనఃకమలాని యద్వత్ .
భాశ్శుద్ధసత్వమివ భాతి విదిక్షు దిక్షు
యాదాద్రినాథ నృహరే! తవ సుప్రభాతం .. 25
బ్రహ్మాస్వయంసురగణైస్సహలోకపాలైః
ధామప్రవిశ్య తవ మండపగోపురాఢ్యం .
పంచాంగశుద్ధిమభివర్ణయతి త్వదీయాం
యాదాద్రినాథ నృహరే! తవ సుప్రభాతం .. 26
విఖ్యాతవైద్యజన వంచకరోగజాల
విఖ్యాతవైద్య ఇతి రోగనిపీడితాస్త్వాం .
నిశ్చిత్యధామ తవ దూరత ఆపతంతి
యాదాద్రినాథ నృహరే! తవ సుప్రభాతం .. 27
భూతగ్రహాది బలవత్తర తాపయుక్తాః
బాణావతీముఖ మహోగ్రపిశాచ విద్ధాః .
స్నాతాఃప్రదక్షిణవిధా వుపయాంతినాథ
యాదాద్రినాథ నృహరే! తవ సుప్రభాతం .. 28
సంతానహీన వనితాస్సరసి త్వదీయే
స్నాత్వాజలార్ద్రవసనాస్తవ దర్శనాయ .
ఆయాంతిసంతతివరప్రద దేవదేవ
యాదాద్రినాథ నృహరే! తవ సుప్రభాతం .. 29
యద్దుష్ట సంహరణముత్తమలోకరక్షా
దీక్షాం వ్యనక్తి తవరూప మహోనృసింహ .
తచ్చాత్ర యాదగిరిమూర్థనిసంవిభాతి
యాదాద్రినాథ నృహరే! తవ సుప్రభాతం .. 30
ప్రహ్లాద పుణ్యజని పుణ్యబలాత్ప్రతీతం
రూపం జనస్తవహరే నిగమాంతవేద్యం .
ప్రాతఃస్మరంస్తరతి సంస్మారణాంబురాశిం
యాదాద్రినాథ నృహరే! తవ సుప్రభాతం .. 31
శ్రీసుప్రభాతమిదమచ్యుతకైతవోక్త
మప్యచ్యుతం భవతుభక్తజనైకవేద్యం .
లక్ష్మీనృసింహ తవ నామశుభప్రభావాత్
యాదాద్రినాథ నృహరే! తవ సుప్రభాతం .. 32
ఇత్థం యాదాద్రినాథస్య సుప్రభాత మతంద్రితాః .
యే పఠంతి సదా భక్త్యా తే నరాస్సుఖభాగినః .. 33
!! ఇతి శ్రీ లక్ష్మీ నరసింహ సుప్రభాతం !!
…. 
….