శ్రీ గాయత్రీ సుప్రభాతం

Sri Gayatri Suprabhatam

శ్రీ పాతూరి సీతారామాంజనేయులు కృత

శ్రీ జానిరద్రితనయాపతిరబ్జగర్భః
సర్వే చ దైవతగణాః సమహర్షయోఽమీ .
ఏతే భూతనిచయాః సముదీరయంతి
గాయత్రి – లోకవినుతే తవ సుప్రభాతం .. 1

పుష్పోచ్చయప్రవిలసత్కరకంజయుగ్మాం
గంగాదిదివ్యతటినీవరతీరదేశే- .
ష్వర్ఘ్యం సమర్పయితుమత్రజనాస్తవైతే
గాయత్రి – లోకవినుతే – తవ సుప్రభాతం .. 2

కర్ణేఽమృతం వికిరతా స్వరసంచయేన
సర్వే ద్విజాః శ్రుతిగణం సముదీరయంతి .
పశ్యాశ్రమాసథ వృక్షతలేషు దేవి
గాయతి -లోకవినుతే -తవ సుప్రభాతం .. 3

గావో మహర్షినిచయాశ్రమ భూమిభాగాత్
గంతుం వనాయ శనకైః శనకైః ప్రయాంతి .
వత్సాన్ పయోఽమృతరసం నను పాయయిత్యా
గాయత్రి – లోకవినుతే – తవ సుప్రభాతం .. 4

శిష్య ప్రబోధనపరా వర మౌని ముఖ్యాః
వ్యాఖ్యాంతి వేదగదితం స్ఫుట ధర్మ తతత్త్వం .
స్వీయాశ్రమాంగణతలేషు మనోహరేషు
గాయత్రి – లోకవినుతే – తవ సుప్రభాతం .. 5

శ్రోత్రామృతం శ్రుతిరవం కలయంత ఏతే
విస్మృత్య గంతుమటవీం ఫలలాభలోభాత్ .
వృక్షాగ్ర భూమిషు వనేషు లసంతి కీరాః
గాయత్రి – లోకవినుతే – తవ సుప్రభాతం .. 6

మూర్తిత్రయాత్మకలితే నిగమ త్రయేణ
వేద్యే స్వరత్రయ పరిస్ఫుట మంతరూపే
తత్త్వప్రబోధనపరోపనిషత్ప్రపంచే
గాయత్రి – లోకవినుతే – తవ సుప్రభాతం .. 7

విశ్వాత్మికే నిగమశీర్షవతంసరూపే
సర్వాగమాంతరుదితే వరతైజసాత్మన్ .
ప్రాజ్ఞాత్మికే సృజనపోషణసంహృతిస్థే
గాయత్రి – లోకవినుతే – తవ సుప్రభాతం .. 8

తుర్యాత్మికే సకలతత్త్వగణానతీతే
ఆనందభోగకలితే పరమార్ధదత్రి
బ్రహ్మానుభూతివరదే సతతం జనానాం .
గాయత్రి – లోకవినుతే -సుప్రభాతం .. 9

తారస్వరేణ మధురం పరిగీయమానే
మంద్రస్వరేణ మధురేణ చ మధ్యమేన .
గానాత్మికే నిఖిలలోక మనోజ్ఞ భావే
గాయత్రి – లోకవినుతే – తవ సుపభాతం .. 10