అథ మన్యుసూక్తం

ఋగ్వేద సంహితా; మండలం 10; సూక్తం 83,84

యస్తే మన్యో విధద్ వజ్ర సాయక సహ ఓజః పుష్యతి విశ్వమానుషక్ |

సాహ్యామ దాసమార్యం త్వయా యుజా సహస్కృతేన సహసా సహస్వతా || 1 ||

మన్యురింద్రో మన్యురేవాస దేవో మన్యుర్ హోతా వరుణో జాతవేదాః |

మన్యుం-విశ ఈళతే మానుషీర్యాః పాహి నో మన్యో తపసా సజోషాః || 2 ||

అభీహి మన్యో తవసస్తవీయాన్ తపసా యుజా వి జహి శత్రూన్ |

అమిత్రహా వృత్రహా దస్యుహా చ విశ్వా వసూన్యా భరా త్వం నః || ౩ ||

త్వం హి మన్యో అభిభూత్యోజాః స్వయంభూర్భామా అభిమాతిషాహః |

విశ్వచర్-షణిః సహురిః సహావానస్మాస్వోజః పృతనాసు ధేహి || 4 ||

అభాగః సన్నప పరేతో అస్మి తవ క్రత్వా తవిషస్య ప్రచేతః |

తం త్వా మన్యో అక్రతుర్జీహీళాహం స్వాతనూర్బలదేయాయ మేహీ || 5 ||

అయం తే అస్యుప మేహ్యర్వాజ్ ప్రతీచీనః సహురే విశ్వధాయః |

మన్యో వజ్రన్నభి మామా వవృత్స్వహనావ దస్యూరుత బోధ్యాపేః || 6 ||

Know More : Surya Suktam

అభి ప్రేహి దక్షిణతో భవా మే ఒధా వృత్రాణి జంఘనావ భూరీ |

జుహోమి తే ధరుణం మధ్వో అగ్రముభా ఉపాంశు ప్రథమా పీబావ || 7 ||

త్వయా మన్యో సరథమారుజంతో హర్షిమాణాసో ధృషితా మరుత్వః |

తిగ్మేషవ ఆయుధా సంశిశానా అభి ప్రయంతు నరో అగ్నిరూపాః || 8 ||

అగ్నిరీవ మన్యో త్విషితః సహస్వ సేనానీర్నః సహురే హూత వీధి |

హత్వాయ శత్రూన్ వి భజస్వ వేద ఓజో మిమానో విమృధో నుదస్వ || 9 ||

సహస్వ మన్యో అభిమాతిమస్మే రుజన్ మృణన్ ప్రమృణన్ ప్రేహి శత్రూన్ |

ఉగ్రం తే పాజీ నన్వా రురుద్రే వశీ వశం నయస ఏకజ త్వమ్ || 10 ||

ఏకో బహూనామసి మన్యవీళితో విశంవిశం-యుధయే సం శీశాధి |

అకృత్తరుక్ త్వయా యుజా వయం ద్యుమంతం ఘోషం-విజయాయ కృణ్మహే || 11 ||

విజేషకృదింద్ర ఇవానవబ్రవో(ఓ)కే ఒస్మాకం మన్యో అధిపా భవేహ 3

ప్రియం తే నామ సహురే గృణీమసి విద్మతముత్సం యత ఆబభూథ || 12 ||

ఆభూత్యా సహజా వజ్ర సాయక సహో బిభర్యభిభూత ఉత్తరమ్ |

క్రత్వా నో మన్యో సహమేద్యేధి మహాధనస్య పురుహూత సంసృజీ || 13 ||

సంసృష్టం ధనముభయం సమాకృతమస్మభ్యం దత్తాం -వరుణశ్చ మన్యుః |

భియం దధానా హృదయేషు శత్రవః పరాజితాసో అప నిలయంతామ్ || 14 ||

Read More Hiranya Garbha Suktam

ధన్వనా గా ధన్వనాజింజయేమ ధన్వనా తీవ్రాః సమదో జయేమ |

ధనుః శత్రోరపకామం కృణోతి ధన్వనా సర్వాః ప్రదిశో జయేమ ||

ఓం శాంతా పృథివీ శీవమంతరిక్షం ద్యౌర్నో దేవ్యఒభయన్నో అస్తు |

శివా దిశః ప్రదిశ ఉద్దిశో నఆపో విశ్వతః పరిపాంతు సర్వతః శాంతిః శాంతిః శాంతిః ||

….  ….