నృసింహారాత్రికం

Nrisimha Aratrikam

వందే వందితపాదం భజతాం సుఖకందం
యత్పదనఖకరరంజితముకుటం సురవృందం .
యచ్చరణార్పితతులసీ శ్రీమన్మకరందం
వేదం గాయతి భజతే షట్పదమునివృందం ..

జయదేవ జయదేవ నృహరే గుణనిలయా .
పాలయ మామతిదయయా నృహరే శ్రమనిలయా .. జయదేవ .. 1..

వాసితకృష్ణాసుతటం సిద్ధేశ్వరనికటం
వారితతృష్ణా కపటం భక్తార్పితసుపటం .
శ్రీధృతసత్కటిసుతటం విదితాసురకపటం
శోభితమస్తకసుసటం యన్ముఖమతి వికటం .. జయదేవ .. 2..

Know More Sri Narsimha Dwadasa Namavali

కేసరమండితతుండం బహుపూరితగండం
చక్రాద్యంకితదండం దుష్టార్పితదండం .
ఉదరార్పితగజదండమసురాధిపచండం
ప్రహ్లాదార్పితపిండం కమలాధికముండం .. జయదేవ .. 3..

సంసారాంబుధిఘూర్ణోద్ధారం మాం తూర్ణం
సుతదారైరతిజీర్ణం కల్మషగిరిచూర్ణం .
అశ్వత్థాత్మకపూర్ణం శోభితబహుపర్ణం
రూపం భజతాం నః స్యాద్యామవాతకిరణం .. జయదేవ .. 4..

Know More Narasimha Kavacham

కమలోద్భవకమలాకరవందితపదకమలం
కరకమలోద్ధృతకమలం నాశితకలిజమలం .
హృతవిధిముఖహృత్కమలమమలీకృతవిమలం
మాధవమధుకరకమలం వారిత నిజశమలం .. జయదేవ .. 5..

….  ….