ఓం సహ నావవతు | సహ నౌ భునక్తు । సహ వీర్యం కరవావహై |

తేజస్వినావధీతమస్తు మా వీద్విషావహై ||

ఓం శాంతిః శాంతిః శాంతిః ||

[ధాతా పురస్తాద్యముదాజహార | శక్రః ప్రవిద్వాన్-ప్రదిశశ్చతస్రః |

తమేవం-విద్వానమృత ఇహ భవతి | నాన్యః పంథా అయనాయ విద్యతే ||]

ఓమ్ || సహస్రశీరీషం దేవం విశ్వాక్షం-విశ్వశంభువమ్ |

విశ్వం నారాయణం దేవమక్షరం పరమం పదమ్ |

విశ్వతః పరమాన్నిత్యం-విశ్వం నారాయణగం హరిమ్ |

విశ్వమేవేదం పురుష-సద్విశ్వ-ముపజీవతి |

పతి-విశ్వస్యాత్మేశ్వరగ్ం శాశ్వతగ్ం శివ-మచ్యుతమ్ |

నారాయణం మహాజ్ఞేయం-విశ్వాత్మానం పరాయణమ్ |

నారాయణపరో జ్యోతిరాత్మా నారాయణః పరః |

Know More: Venkateswara Vajra Kavacha Stotram

నారాయణపరం బ్రహ్మ తత్త్వం నారాయణః పరః |

నారాయణపరో ధ్యాతా ధ్యానం నారాయణః పరః |

యచ్చ కించిజ్జగత్సర్వం దృశ్యతే శ్రూయతేఒపీ వా ||

అంతర్బహిశ్చ తత్సర్వం-వ్యాప్య నారాయణః స్థితః |

అనంతమవ్యయం కవిగ్ం సముద్రేంఒతం- విశ్వశంభువమ్ |

పద్మకోశ-ప్రతీకాశగ్ం హృదయం చాప్యధోముఖమ్ |

అధో నిష్ట్యా వితస్యాంతే నాభ్యాముపరి తిష్ఠతి |

జ్వాలమాలాకులం భాతి విశ్వస్యాయతనం మహత్ |

సంతతగ్ం శిలాభిస్తు లంబత్యాకోశసన్నీభమ్ |

తస్యాంతే సుషిరగ్ం సూక్ష్మం తస్మిన్ సర్వం ప్రతిష్ఠితమ్ |

తస్య మధ్యే మహానగ్ని-ర్విశ్వార్చి-ర్విశ్వతోముఖః |

సోగ్రభుగ్విభజంతిష్ఠ-న్నాహారమజరః కవిః |

తిర్యగూర్ధ్వమధశ్శాయీ రశ్మయస్తస్య సంతతా |

సంతాపయతి స్వం దేహమాపాదతలమస్తకః |

Read More Sarpa Suktam

తస్య మధ్యే వహ్నిశిఖా అణీయోర్ధ్వా వ్యవస్థితః |

నీలతో- యదమధ్యస్థా-ద్విద్యుల్లేఖేవ భాస్వరా |

నీవారశూకవత్తన్వీ పీతా భాస్వత్యణూపమా |

తస్యాః శిఖాయా మధ్యే పరమాత్మా వ్యవస్థితః |

స బ్రహ్మ స శివః స హరిః సేంద్రః సోఒక్షరః పరమః స్వరాట్ ||

ఋతగ్ం సత్యం పరం బ్రహ్మ పురుషం కృష్ణపింగలమ్ |

ఊర్ధ్వరేతం-వి రూపాక్షం-విశ్వరూపాయ వై నమో నమః ||

ఓం నారాయణాయ విద్మహే వాసుదేవాయ ధీమహి |

తన్నో విష్ణుః ప్రచోదయాత్ ||

ఓం శాంతిః శాంతిః శాంతిః ||

….  ….