ఓం తచ్ఛం-యోరావృణీమహే | గాతుం యజ్ఞాయ | గాతుం యజ్ఞపతయే | దైవీ స్వస్తిరస్తు నః | స్వస్తిర్మానుషేభ్యః

| ఊర్ధ్వం జిగాతు భేషజమ్ | శం నో అస్తు ద్విపదే | శం చతుష్పదే |

ఓం శాంతిః శాంతిః శాంతిః ||

సహస్రశీర్షా పురుషః | సహస్రాక్షః సహస్రపాత్ |

స భూమిం-విశ్వతో వృత్వా | అత్యతిష్ఠదశాంగులమ్ ||

పురుష ఏవేదగ్ం సర్వం | యద్భూతం యచ్చ భవ్యం |

ఉతామృతత్వ స్యేశానః | యదన్నేనాతిరోహతి ||

ఏతావానస్య మహిమా | అతో జ్యాయాగీశ్చ పూరుషః |

పాదోఒస్య విశ్వా భూతాని | త్రిపాదస్యామృతం దివి ||

త్రిపాదూర్ధ్వ ఉదైత్పురుషః | పాదోఒస్యేహా౬౬భవాత్పునః |

Know More : Sri Suktam

తతో విష్వజ్ వ్యక్రామత్ | సాశనానశనే అభి ||

తస్మాద్విరాడజాయత | విరాజో అధి పూరుషః |

స జాతో అత్యరిచ్యత | పశ్చాద్భూమిమథో పురః ||

యత్పురుషేణ హవిషా | దేవా యజ్ఞమతన్వత |

వసంతో అస్యాసీదాజ్యం | గ్రీష్మ ఇధ్మశ్వరధ్ధవిః ||

సప్తాస్యాసన్పరిధయః | త్రిః సప్త సమిధః కృతాః |

దేవా యద్యజ్ఞం తన్వానాః | అబధ్నన్-పురుషం పశుమ్ ||

తం-యజ్ఞం బర్హిషి ప్రొక్షన్ | పురుషం జాతమగ్రతః |

తేన దేవా అయజంత | సాధ్యా ఋషయశ్చ యే ||

తస్మాద్యజ్ఞాథ్సర్వహుతః | సంభృతం పృషదాజ్యమ్ |

పశూగ్-స్తాగ్-శ్చక్రే వాయవ్యాన్ | ఆరణ్యాన్-గ్రామ్యాశ్చ యే ||

తస్మాద్యథ్సర్వహుతః | ఋచః సామాని జజ్ఞిరే |

ఛందాగీంసి జజ్ఞిరే తస్మాత్ | యజుస్తస్మాదజాయత ||

తస్మాదశ్వా అజాయంత | యే కే చోభయాదతః |

గావో హ జజ్ఞిరే తస్మాత్ | తస్మాజ్ఞాతా అజావయః ||

యత్పురుషం-వ్య ‘దధుః | కతిథా వ్యకల్పయన్న్ |

ముఖం కిమస్య కౌ బాహూ | కావూరూ పాదావుచ్యేతే ||

బ్రాహ్మణోఒస్య ముఖమాసీత్ | బాహూ రాజన్యః కృతః |

ఊరూ తదస్య యద్వైశ్యః | పద్భ్యాగం శూద్రో అజాయత ||

చంద్రమా మనసో జాతః | చక్షోః సూర్యో అజాయత |

ముఖాదింద్రశ్చాగ్నిశ్చ | ప్రాణాద్వాయురజాయత ||

నాభ్యా ఆసీదంతరీక్షమ్ | శీర్షి ద్యౌః సమవర్తత

పద్భ్యాం భూమిర్దిశః శ్రోత్రాత్ | తథా లోకాగం ఆకల్పయన్న్ ||

వేదాహమేతం పురుషం మహాంతం | ఆదిత్యవర్ణం తమసస్తు పారే |

సర్వాణి రూపాణి విచిత్య ధీరః | నామాని కృత్వాఒభివదన్, యదా స్తే ||

ధాతా పురస్తాద్యముదాజహార | శక్రః ప్రవిద్వా-త్ప్రదిశశ్చతస్రః |

తమేవం-విద్వానమృత ఇహ భవతి | నాన్యః పంథా అయనాయ విద్యతే ||

యజ్ఞేన యజ్ఞమయజంత దేవాః | తాని ధర్మాణి ప్రథమాన్యాసన్న్ |

తే హ నాకం మహిమానః సచంతే | యత్ర పూర్వే సాధ్యాః సంతీ దేవాః ||

అద్భ్యః సంభూతః పృథివ్యై రసాచ్చ విశ్వకర్మణః సమవర్తతాధీ |

తస్య త్వష్టా విదధద్రూపమేతి | తత్పురుషస్య విశ్వమాజానమగ్రే ||

వేదాహమేతం పురుషం మహాంతం | ఆదిత్యవర్ణం తమసః పరస్తాత్ |

తమేవం-విద్వానమృత ఇహ భవతి | నాన్యః పంథా విద్యతే ఒయనాయ ||

ప్రజాపతిశ్చరతి గర్భే అంతః | అజాయమానో బహుధా విజాయతే |

తస్య ధీరాః పరీజానంతి యోనీం | మరీచీనాం పదమిచ్ఛంతి వేధసః ||

Read More Neela Suktam

యో దేవేభ్య ఆతపతి | యో దేవానాం పురోహితః |

పూర్వో యో దేవేభ్యో జాతః | నమో రుచాయ బ్రాహ్మయే ||

రుచం బ్రాహ్మం జనయంతః | దేవా అగ్రే తదబ్రువన్న్ |

యస్వైవం బ్రాహ్మణో విద్యాత్ | తస్య దేవా అసన్ వశే ||

హ్రీశ్చ తే లక్ష్మీశ్చ పత్న్యై | అహోరాత్రే పార్శ్వ |

నక్షత్రాణి రూపమ్ | అశ్వినౌ వ్యాత్తం |

ఇష్టం మనిషాణ | అముం మనిషాణ | సర్వం మనిషాణ ||

తచ్ఛం-యోరావృణీమహే | గాతుం యజ్ఞాయ | గాతుం యజ్ఞపతయే | దైవీ స్వస్తిరస్తు నః | స్వస్తిర్మానుషేభ్యః |

ఊర్ధ్వం జీగాతు భేషజమ్ | శం నో అస్తు ద్విపదే | శం చతుప్పదే |

ఓం శాంతిః శాంతిః శాంతిః ||

….  ….