1. (దేవతా – ఆదిత్యః, అధిదేవతా- అగ్నిః, ప్రత్యధిదేవతా పశుపతిః)

ఓం ఆసత్యేన రజసా వర్తమానో నివేశయన్నమృతం మర్త్యంచ |

హిరణ్యయేన సవితా రథేనా ఒదేవో యాతి భువనా విపశ్యన్నీ ||

(తై. సం. 3.4.11.2)

అగ్నిం దూతం-వృణీమహే హోతారం – విశ్వవేదసమ్ | అస్య యజ్ఞస్య సుక్రతుమ్ || (తై. బ్రా. 3.5.2.3)

యేషామీశే పశుపతిః పశూనాం-చతుష్పదాముత చ ద్విపదామ్ |

నిష్క్రితో౭యం-యజ్ఞయం భాగమేతు రాయస్పోషా యజమానస్య సంతు || (తై. సం. 3.1.4.1)

(ఓం అధిదేవతా ప్రత్యధిదేవతా సహితాయ భగవతే ఆదిత్యాయ నమః) 1

2. (దేవతా – అంగారకః, అధిదేవతా పృథివీ, ప్రత్యధిదేవతా క్షేత్రపతిః)

ఓం అగ్నిర్మూర్థా దేవః కకుత్పతిః పృథివ్యా అయమ్ |

అపాగం రేతాగీంసి జిన్వతి || (తై. సం. 1.5.5.1)

స్యోనా పృథివి భవాఒనృక్షరా నివేశనీ |

యచ్ఛాన-శ్శర్మ సప్రథాః || (తై. అర. 6.1.10)

క్షేత్రస్య పతీనా వయగం హితేనేవ జయామసి |

గామశ్వం పోషయిత్వా స నో మృడాతీ-దృశే || (తై. సం. 1.1.14.2)

(ఓం అధిదేవతా ప్రత్యధిదేవతా సహితాయ భగవతే అండ్రకాయ నమః) 2

3. (దేవతా – శుక్రః, అధిదేవతా- ఇంద్రాణీ, ప్రత్యధిదేవతా – ఇంద్రః)

ఓం ప్రవశ్శుక్రాయ భానవే భరధ్వగం హవ్యం మతిం చాగ్నయే సుపూతమ్ |

యో దైవ్యాని మానుషా జనూగ్-ష్యంతర్ విశ్వాని విద్మనా జిగాతి || (తై. బ్రా. 2.8.2.3)

ఇంద్రాణీ మాసు నారీషు సుపత్నీ-మహమశ్రవమ్ | న హ్యస్యా అపరంచన జరసా మరతే పతీః || (తై. సం. 1.7.13.1)

ఇంద్రం-వో విశ్వతస్పరి హవామహే జనేభ్యః | అస్మాకమస్తు కేవలః || (తై. సం. 1.6.12.1)

(ఓం అధిదేవతా ప్రత్యధిదేవతా సహితాయ భగవతే శుక్రాయ నమః) 3

4. (దేవతా – సోమః/చంద్రమా, అధిదేవతా- అపః, ప్రత్యధిదేవతా గౌరీ)

ఓం ఆప్యాయస్వ సమేతు తే విశ్వత-స్సోమ వృష్టియమ్ |

భవా వాజస్య సంగథే || (తై. సం. 4.2.7.4)

అప్సుమే సోమో అబ్రవీదంతర్ విశ్వాని భేషజా |

అగ్నించ విశ్వశభువ-మాపశ్చ విశ్వభేషజీః || (తై. బ్రా. 2.5.8.6)

Read More Sarpa Suktam

గౌరీ మీమాయ సలిలాని తక్షత్యేకపదీ ద్విపదీ సా చతుష్పదీ |

అష్టాపదీ నవపదీ బభూవుషీ సహస్రాక్షరా పరమే వ్యోమన్న్ || (తై. బ్రా..2.4.6.11)

(ఓం అధిదేవతా ప్రత్యధిదేవతా సహితాయ భగవతే సోమాయ నమః) 4

5. (దేవతా – బుధః, అధిదేవతా విష్ణుః, ప్రత్యధిదేవతా పురుష నారాయణః)

ఓం ఉద్బుధ్యస్వాగ్నే ప్రతీజాగృహ్యేన మిష్టాపూర్తే సగం సృజేథా మయంచ |

పునః కృణ్వగ్స్ స్వా పితరం యువాన- మన్వాతాగంసీ త్వయి తంతుమేతమ్ || (తై. సం. 4.7.13.5)

ఇదం-విష్ణుర్ విచక్రమే త్రేధా నిదధే పదమ్ |

సమూఢమస్య పాగ్ం సురే || (తై. సం. 1.2.13.1)

విష్ణో రరాటమసి విష్ణోః పృష్ఠమసి విష్ణో శృప్తిస్ట్లో విష్ణో స్స్యూరసి విష్ణోర్ ధ్రువమసి వైష్ణవమసి విష్ణవే త్వా || (తై. సం. 1.2.13.3)

(ఓం అధిదేవతా ప్రత్యధిదేవతా సహితాయ భగవతే బుధాయ నమః) 5

6. (దేవతా – బుహస్పతిః, ఆధిదేవతా- ఇంద్ర-మరుత, ప్రత్యధిదేవతా బ్రహ్మ)

ఓం బృహస్పతే అతి యదర్యో అర్హీద్ ద్యుమద్-విభాతి క్రతు మజ్జనేషు |

యద్దీద యచ్ఛ వసర ప్రజాత తదస్మాసు ద్రవిణం ధేహి చిత్రమ్ || (తై. సం. 1.8.22.2)

ఇంద్రమరుత్వ ఇహ పాహి సోమం- యథా శార్యాతే అపీబస్సుతస్య |

తవ ప్రణీతీ తవ శూర శర్మన్నా-వీవాసంతి కవయః సుయజ్ఞాః || (తై. సం. 1.4.18.1)

బ్రహ్మజజ్ఞానం ప్రథమం పురస్తాద్ విసీమత-స్సురుచో వేన ఆవః |

సబుద్ధ్నియా ఉపమా అస్య విజ్ఞాస్సతశ్చ యోనిమ-సతశ్చ వివః || (తై. సం. 4.2.8.2)

(ఓం అధిదేవతా ప్రత్యధిదేవతా సహితాయ భగవతే బృహస్పతయే నమః) 6

7. (దేవతా – శనైశ్చరః, అధిదేవతా ప్రజాపతిః, ప్రత్యధిదేవతా యమః)

ఓం శన్నో దేవీ-రభిష్టయ ఆపో భవంతు పీతయే |

శం-యోరభి-స్రవంతు నః || (తై. అర. 7.42.4)

ప్రజాపతే న త్వదేతా-న్యన్యో విశ్వా జాతాని పరితా బభూవ |

యత్కామాస్తే జుహుమస్తన్నో అస్తు వయగ్ స్యామ పతయో రయీణామ్ || (తై. సం. 1.8.14.2)

Know More : Navagraha Kavacham

ఇమం యమ ప్రస్తరమాహి సిదాంకీరోభిః పితృభిః సంవిదానః |

ఆత్వా మంత్రాః కవిశస్తా వహంత్వేనా రాజన్ హవిషా మాదయస్వ || (తై. సం. 2.6.12.6)

(ఓం అధిదేవతా ప్రత్యధిదేవతా సహితాయ భగవతే శనైశ్చరాయ నమః) 7

8. (దేవతా – రాహు, అధిదేవతా- సర్పః, ప్రత్యధిదేవతా నిర్త)

ఓం కయా నశ్చిత్ర ఆభువదూతీ సదావృధ స్సఖా | కయా శచీష్ఠయా వృతా || (తై. సం. 4.2.11.2)

ఆయంకౌః పృశ్నిరక్రమీ దసనన్ మాతరం పునః |

పితరంచ ప్రయం సువః || (తై. సం. 1.5.3.1)

యత్తే దేవీ నిరతీ రాబబంధ దామ గ్రీవాస్వ-విచర్యమ్ |

ఇదంతే తద్విష్యా-మ్యాయుషో న మద్ద్యా-దథా జీవః

పితుమద్ధి ప్రముక్తః || (తై. సం. 4.2.5.3)

(ఓం అధిదేవతా ప్రత్యధిదేవతా సహితాయ భగవతే రాహవే నమః) 8

9. (దేవతా – కేతుః, అధిదేవతా బ్రహ్మ, ప్రత్యధిదేవతా చిత్రగుప్తః)

ఓం కేతుం కృణ్వన్నకేతవే పేశీ మర్యా అపేశసీ | సముషద్భిరజాయథాః || (తై. సం. 7.4.20.1)

బ్రహ్మా దేవానాం పదవీః కవీనా-మృషిర్విప్రాణాం మహిషో మృగాణామ్ |

శ్యేనో గృద్ధాణార్జ్ స్వధితిర్ వనానాగ్ం సోమః పవిత్ర మత్యేతి రేభన్నీ || (తై. సం. 3.4.11.1)

సచిత్ర చిత్రం చితయంత-మస్మే చిత్రక్షత్ర చిత్రతమం- వయోధామ్ |

చంద్రం రయిం పురువీరం బృహంతం చంద్ర-చంద్రాభిర్-గృణతే యువస్వ || (ఋగ్. వే. 6.6.7).

(ఓం అధిదేవతా ప్రత్యధిదేవతా సహితేభ్యో భగవద్భ్యః కేతుభ్యో నమః) 9

|| ఓం ఆదిత్యాది నవగ్రహ దేవతాభ్యో నమో నమః ||

ఓం శాంతిః శాంతిః శాంతిః ||

….  ….