దేవీ నీరాజనం
Devi Nirajanam
జయ దేవి జయ దేవి జయమాతస్త్రిపురే .
భక్త్యానుగ్రహకారిణి దాసానుగ్రహకారిణి ఈశ్వరి సురవరదే .. ధ్రు…
దుర్గే దుర్గతినాశిని భవసాగరతారే
మృగేంద్రవాహనగిరిజే దానవసంహారే .
అష్టాదశభుజమూర్తే కంఠరూండమాలే
సప్తశృంగనివాసిని రుద్రాత్మకశక్తే .. జయ దేవి .. 1
బాలార్కారుణశోభితబంధక కుసుమాభే
కుంకుమశోభితదేహే దాడిమకుసుమాభే .
పాదాహతమహిషాసురదేవాసురసర్గే
నానాదానవమర్దిని అలికులరిపువర్గే .. జయ దేవి .. 2
జయ త్రిపురాసురమర్ద్దిని మర్దయ మమ దోషాన్
తారయ తారయ మాతర్భవజలకూపస్థాన్ .
కామక్రోధాదీన్మారయ దేహస్థాన్
కరుణాదృష్ట్యా మాతా రక్షయ నిజభక్తాన్ .. జయ దేవి .. 3
Read More Sri Durga Chalisa
మూలే చాధిష్ఠానే మణిపూరే చక్రే
హృదయేఽనాహతచక్రే షోడశదలపద్మే .
ఆజ్ఞాచక్రే బాలయ బాలయ కృతవలయే
బ్రహ్మస్థానే విహరసి మాతః శివసహితే .. జయ దేవి .. 4
Read More Shyamala Dandakam
విధిహరిశంకరవంద్యే పండితజనవంద్యే
సనకాదికమునివంద్యే యక్షాసురవంద్యే .
నారదతుంబురుకిన్నరగీతే సురవంద్యే
అఘనాశిని భవశోషిణి మాతః సుఖసహితే .. జయ దేవి .. 5
ఓం కర్పూరగౌరం కరుణావతారం సంసారసారం భుజగేంద్రహారం .
సదా రమంతం హృదయారవిందే భవం భవానీసహితం నమామి ..
! ఇతి దేవీ నీరాజనం సంపూర్ణం !
…. 
….