శ్రీ మదాంజనేయ సుప్రభాతం
Sri Madaanjaneya Suprabhatam
శ్రీసీతారామాభ్యాం నమః . శ్రీమదాంజనేయాయ నమః .
అమలకనకవర్ణం ప్రజ్వలత్పావకాక్షం సరసిజనిభవక్త్రం సర్వదా సుప్రసన్నం
రణరచనసుగాత్రం కుండలాలంకృతాంగం పరజయకరవాలం రామదూతం నమామి ..
శ్రీరామచంద్రచరణాంబుజమత్తభృంగ శ్రీరామమంత్రజపశీల భవాబ్ధిపోత .
శ్రీజానకీహృదయతాపనివారమూర్తే శ్రీవీర ధీర హనుమన్ తవ సుప్రభాతం .. 1
శ్రీరామదివ్యచరితామృతాస్వాదలోల శ్రీరామకింకర గుణాకర దీనబంధో .
శ్రీరామభక్త జగదేకమహోగ్రశౌర్య శ్రీవీర ధీర హనుమన్ తవ సుప్రభాతం .. 2
Read More Hanuman Bajrangbaan
సుగ్రీవమిత్ర కపిశేఖర పుణ్యమూర్తే సుగ్రీవరాఘవసమాగమదివ్యకీర్తే .
సుగ్రీవమంత్రివర శూరకులాగ్రగణ్య శ్రీవీర ధీర హనుమన్ తవ సుప్రభాతం .. 3
భక్తార్తిభంజన దయాకర యోగివంద్య శ్రీకేసరీప్రియతనూజ సువర్ణదేహ .
శ్రీభాస్కరాత్మజమనోఽమ్బుజచంచరీక శ్రీవీర ధీర హనుమన్ తవ సుప్రభాతం .. 4
Read More Sri Hanumatandava Stotram
శ్రీమారుతప్రియతనూజ మహాబలాఢ్య మైనాకవందితపదాంబుజ దండితారిన్ .
శ్రీ ఉష్ట్రవాహన సులక్షణలక్షితాంగ శ్రీవీర ధీర హనుమన్ తవ సుప్రభాతం .. 5
పంచాననస్య భవభీతిహరస్య రామపాదాబ్జసేవనపరస్య పరాత్పరస్య .
శ్రీ అంజనాప్రియసుతస్య సువిగ్రహస్య శ్రీవీర ధీర హనుమన్ తవ సుప్రభాతం .. 6
గంధర్వయక్షభుజగాధిపకిన్నరాశ్చ ఆదిత్యవిశ్వవసురుద్రసురర్షిసంఘాః .
సంకీర్తయంతి తవ దివ్యసునామపంక్తిం శ్రీవీర ధీర హనుమన్ తవ సుప్రభాతం .. 7
శ్రీగౌతమచ్యవనతుంబురునారదాత్రిమైత్రేయవ్యాసజనకాదిమహర్షిసంఘాః .
గాయంతి హర్షభరితాస్తవ దివ్యకీర్తిం శ్రీవీర ధీర హనుమన్ తవ సుప్రభాతం .. 8
భృంగావలీ చ మకరందరసం పిబేద్యం కూజంత్యుదారమధురం చరణాయుధాశ్చ .
దేవాలయే ఘనగభీరసుశంఖఘోషః శ్రీవీర ధీర హనుమన్ తవ సుప్రభాతం .. 9
పంపాసరోవరసుపుణ్యపవిత్రతీర్థమాదాయ హేమకలశైశ్చ మహర్షిసంఘాః .
తిష్ఠంతి త్వచ్చరణపంకజసేవనార్థం శ్రీవీర ధీర హనుమన్ తవ సుప్రభాతం .. 10
శ్రీసూర్యపుత్రప్రియ నాథ మనోజ్ఞమూర్తే వాతాత్మజాత కపివీర సుపింగలాక్ష .
సంజీవనాయ రఘువీరసుభక్తవర్య శ్రీవీర ధీర హనుమన్ తవ సుప్రభాతం .. 11
…. 
….