Datta Ashtakam
శ్రీ దత్తాష్టకం
గురుమూర్తిం చిదాకాశం సచ్చిదానందవిగ్రహం |
నిర్వికల్పం నిరాబాధం దత్తమానందమాశ్రయే || ౧ ||
యోగాతీతం గుణాతీతం సర్వరక్షాకరం విభుం |
సర్వదుఃఖహరం దేవం దత్తమానందమాశ్రయే || ౨ ||
అవధూతం సదాధ్యానం ఔదుంబరసుశోభితం |
అనఘాప్రియా విభుం దేవం దత్తమానందమాశ్రయే || ౩ ||
నిరాకారం నిరాభాసం బ్రహ్మవిష్ణుశివాత్మకం |
నిర్గుణం నిష్కళం శాంతం దత్తమానందమాశ్రయే || ౪ ||
Read More Guru Ashtakam
అనసూయాసుతం దేవం అత్రివంశకులోద్భవం |
దిగంబరం మహాతేజం దత్తమానందమాశ్రయే || ౫ ||
సహ్యాద్రివాసినం దత్తం ఆత్మజ్ఞానప్రదాయకం |
అఖండమండలాకారం దత్తమానందమాశ్రయే || ౬ ||
పంచయజ్ఞప్రియం దేవం పంచరూపసుశోభితం |
గురుపరంపరం వందే దత్తమానందమాశ్రయే || ౭ ||
దత్తమానందాష్టకం యః పఠేత్ సర్వవిద్యా జయం లభేత్ |
దత్తానుగ్రహఫలం ప్రాప్తం దత్తమానందమాశ్రయే || ౮ ||
ఫలశ్రుతి
ఏకకాలం ద్వికాలం వా త్రికాలం యః పఠేన్నరః
సర్వసిద్ధిమవాప్నోతి శ్రీదత్తశ్శరణం మమ ||
|| ఇతి శ్రీ దత్తాష్టకం సంపూర్ణం ||
…. 
….